Bahut Kathin Hai Ek Zubaa’n Se Mahima Tera Gaa Pana

Vishal Teri Vishalta Ko Shabdo’n Mein Suna Pana

Rom Rom Mein Koti Koti Zubaa’n Agar Lag Jayengi

Teri Mahima Ka Varnan to Tab Bhi Na Kar Payengi

Lesh Maatr Bhi Gaa Nahi’n Paaye Mahima Ved Puraan Sabhi

Likh Likh Haare Gaa Gaa Haare Rishi Muni Vidhvaan Sabhi

Apne Dhang Se Koi Tera Jab Karta Gungaan Hai

Param Dayalu Kar Hi Leta Tu Usko Parvaan Hai

Rasna Se Gungaan Tumhara Pal Chhin Barambaar Ho

Kahe ‘Hardev’ Rom Rom Se Tu Hi Tu Hi Nirankar Ho